“IN A MINUTE “Hey Sugar

الوصف

أساسيات اللعبه :

قسموا نفسكوا فريقين بحيث يكون عدد اللاعبين في الفريقين متساويين وإختاروا واحد من كل فريق هو إللي هيسحب الكارت لفريقه من مجموعة الكروت واللعب حيكون بتبادل الأدوار بين الفريقين لو إنت اللاعب إللي هتسحب الكارت لفريقك حتكون مهمتك إنك تشرح لفريقك شرح يخليه يخمن صح إيه هي الجمله المكتوبه على الكارت إللي سحبته ، والمده إللي هتلعب فيها هي دقيقه واحده ، وشطارتك بقى إنك تخلي فريقك يخمن أكتر عدد جمل صحيحه لأكبر عدد من الكروت خلال الدقيقه دي .

إزاي هتلعب :

1. إختار اللاعب إللي هيلعب أول واحد .
2. إسحب كارت من المجموعه وإقراه لوحدك ، والدقيقه هتبتدي تتحسب من أول ما الكارت إتسحب .
3. إشرح لفريقك إللي مكتوب على الكارت طريقة الشرح حتبقى حسب المرحله إللي إنت بتلعب فيها إما ” اشرحها ” أو “بدون كلام” أو “كلمة السر” زي ما شرحنا قبل كده في أساسيات اللعب .. ملحوظه: ممكن تستبعد الكارت لو صعب، بس خلي بالك إنت من حقك تستبعد كارت واحد بس في المره الواحده والكارت إللي هتسبعده رجعه لأسفل مجموعة الكروت .
4. إذا الفريق بتاعك تخمينه طلع صح خلي الكارت معاك و إسحب الكارت إللي بعده وهكذا لحد ما الدقيقه تخلص في محاوله إنكوا تكسبوا أكبر عدد ممكن من الكروت .
5. لما الدقيقه بتاعتكوا تخلص كده حيبقى الدور على الفريق التاني هو إللي يلعب .
6. وهكذا كل فريق يفضل يلعب دقيقه في دوره لحد ما كل كروت المجموعه إللي بتلعبوا بيها تخلص .
7. لما المرحله دي تخلص عد الكروت إللي فريقك كسبها وإحسب كل كارت بنقطه .
8. دلوقتي جمع كل كروت المجموعه مع بعض تاني و لخبط ترتيبهم وخليهم مقلوبين في مكان في النص بين الفريقين عشان تبتدوا تلعبوا المرحله إللي بعديها .
9. بعد ما تخلصوا التلات مراحل، كل فريق يجمع النقط إللي كسبها فيهم علشان تعرفوا مين الفريق الكسبان .

محتويات اللعبة : 

• اللعبه فيها مجموعة كروت مكونه من 122 كارت
• 4 مجموعات كروت مختلفه كل واحده فيها 30 كارت
• كروت القواعد: فيه من النوع ده إتنين ، يعني كارت لكل فريق

يأتي مع اللعبة كتالوج للشرح